Ab to kar lijiye aap samaat qissa ishq ka,
“aaah” tak le aaye hain hum mukhtsir karte huye..

=======================

Aap ke qurb se pehle mujhe maloom na tha,
Zindagi itni dil-awaiz bhi ho sakti hai..

=======================

Aaya hi tha abhi mere labb pe wafaa ka naam,
Kuch doston ne haath me pathar utthaa liye..

=======================

Jalwon ki sazishon ko na rakho hijab mein,
Ye bijliyaan hein ruk na saken gi naqaab mein!

=======================

Khushbuu to saans lene ko thehri raah mein,
Hum bd-gumaan aise ke ghar ko palatt gaye..
Khayaal tark-e-muhabbat bajaa sahi lekin,
Huyi na yuun bhi hamari guzzar to kya ho ga..

=======================

Ab yeh mausam meri pehchaan tallab karte hain,
Main jab aaya tha yahan taaza hawaa laya tha..

=======================

Main to us ke aik ik lamhe ka rakhta hoon shumaar,
Aur mere haal-e-dil se bekhabar kesa hai woh..

=======================

Aik misraah hai zindagi meri,
aap chaahen to sher ho jaye..

=======================

Chaandi mein rukh-e-zaiba nahi dekha jata. . !
maah-e-khursheed ko yakja nahi dekha jata. . !

=======================

Chand tasawwur-eer-e-butaa’n, Chand haseeno’n k khutoot. . !
Baad marny k mery ghar se ye samaa’n nikla. . !

=======================

Chalo itna tou nikla kaam baham aashnai se. . !
Wafa se hum ho gaye aashna tum be-wafai se. . !

=======================

Chamak raha hai sitara jo nauk-e-maxgaa’n per . .!
ghum-ehayaat yehi teri aabru to nahi. . !

=======================

Chaman ki aabru ban kar saba k sath chaltay hain. . !
Subak raftaar hain lekin ada k sath chaltay hain. . !

=======================

Chaar din ki zindagi har haal mein kat jaye gi. .
Hum khushi ki bheek kyun mangain sitam eejad se. . !

=======================

Chaman tum, ibarat hai bahaar‘ain tum se zinda hain. . !
Tumharay samney phoolo’n se murjhaya nahi jata. . !

=======================

Yoon mohabbat se na hum khana-badoshon ko bulaa,
Itne saada hain ke ghar baaar uthaa laayen ge..

=======================

Itna na badal mujh ko ke kal ko,
Tujhe mujh main hi na main miloon..

=======================

Khulta hi kyun kisi pe mere dil ka maamla,
Sheron ke intikhaab ne ruswaa kiya mujhe..

=======================

Ajeeb si afra tafri hai hamari zaat mein lekin,
Hamen to be’dhayani me bhi tumhara dhyan rehta hai..

=======================

Dil yeh kehta hai ke shayed ho afsurda tu bhi,
Dil ki kya baat karen dil to hai nadaan janaan..

=======================

Dil ke daryaa ko kissi roz utar jaana hai,
Itna be’simt na chal laut ke ghar jaana hai..

=======================

Khafaa agarche woh hamesha huye magar ab ke,
Woh barhmi* hai ke hum se unhe gille bhi nahi..
(barhmi:shikayaat, complaints)

=======================

Jab ke tujh bin nahin koi mojood,
Phir yeh hungama aye Khuda kya hai..

=======================

Jin ke aangan main ameeri ka shajar lagta hai,
Un ka har aeib zamaane ko hunar lagta hai..

=======================

Mohabbat rog hain jaana’n mohabbat ab nahin hogi,
Mohabbat aik tamaasha hai shikayet ab nahin hogi..

=======================

Aana jo meri qabar pe to ghairo’n ko na laana,
Murdo’n ko hamare haan jalaaya nahi karte..

=======================

Tumhe ulfat nahin mujhse mujhe nafrat nahin tumse,
Ajab shikwa sa rehta hai tumhe mujhse mujhe tumse..

=======================

Main bohat acha bohat khaas hoon Mehver,
Mar jaaon ga magar kis aaam ka hone se pehle..

=======================

Mujh main hain gehri udaasi ke jaraseem iss qadar,
Main tujhe bhi iss marzz main mubtilaa kar jaon ga..

=======================

Log kehte hain mohabbat main assar hota hai,
Kon se sheher mein hota hai, kidhar hota hai ???

=======================

Agar shaoor na ho to bahisht hai duniya,
Barre azaab me guzri hai agaahi ke sath..
(bahisht:jannat, heaven)

=======================

Tum Kya Gaye Zindagi Le Gaye
Rang Mere Khwaabon Ka Har Khushi Le Gaye

De Gaye Ik Kasak Jagaane Ko Raat Bhar.
Mere Woh Muskuraana Woh Hansi Le Gaye

Bujh Gayee Aankhen Ghul Gayaa Andheraa.
Jaate Jaate Chiraaghon Se Roshni Le Gaye

Le Gaye Mere Rangon Se Khushboo Ki Rooh .
Meri Jabeen Se Zeest Ki Lakeearin Le Gaye

Main Baithaa Rahaa Saawan Ki Chaah Main
Youn Mere Chashm E Tarr Se Nami Le Gaye.

Youn Beeta Meri Jaan Teri Furqat Ka Zamaana
Mere Lamhon Se Waqt Ki Jumbish Le Gaye

============================

Na Karo Ishq Tamam Mulk Isi Oar Tha
Phir Kuchh Adaw Jamane Ka Kuchh
Apna Bhi Dil Kamjor Tha.

============================

Mer Zindagi Sulgi Aag Hai
Kabhi Jal Gayi Kabhi Dhuan Dhuan;

============================

Gher Se Chale Hum To Ke
Manzil Mil Hi Gayi

Warna Teri Manhushiyat Mein
Koi Kami Na Thi.

============================

Kai Bar Diye Tune Dhokhe ;
Wade Tere Sachhe Nahi Lagte;

Tujhko Bewafa Bhi To Keh Nahi Sakta;
Per Tere Karname Kuchh Achhe Nahi Lagte.

============================

Dekh Mere Aangan Mein Baharein
Log Milne Aate Hain;

Sunke Aagaz Khiza Ka Sabhi
Daman Chhudate Hai.

============================

Yeh ik ishaara hai aafaat-e-nagehaani ka,
Kisi jagah se parindon ka kooch kar jana..
Alim Taab

=======================

Hunar hai hum mein daryaa ka nikal jate hain har janib,
Ke lehron ki taraah saahil se takraaya nahin karte..

=======================

Muddat’en ho gayi hain khataa karte huye,
Sharam aati hai ab to dua karte huye..

=======================

Maan lijiye chehre pe dhool hai,
Ilzaam aayine pe lagana fazool hai..

=======================

Sakoon naseeb nahi hai mujhe ujaalon main,
Chiraagh le kar andhere talaash karta hoon..

=======================

Itna asaan nahin tha mujh ko bhulaana,
Uss ne khud ko ganwaa diya ho ga..

=======================

Apni baaton pe woh qaayem nahin rehta Tabish,
Uss ke inkaar ko inkaar na samjhaa jaye..

=======================

Main chahta hi nahin usey lajawaab karna,
Jawaab to mere pass har sawaal ka tha..

=======================

Bohat umeed rakhna aur phir be’aas hona bhi,
Insaan ko maar deta hai bohat ehsaas hona bhi..

=======================

Itna likhoon ga tere baad tere baarey mein,
Aaney walon ne tujhe pehle se dekha ho ga..

=======================

Khoob nibhegi hum dono mein, mere jesa tu bhi hai,
Thora jhoota main bhi hoon, thora jhoota tu bhi hai..

=======================

Mere hissay main kitaaben na khilone aaye,
Mere rizzq ne chheena hai mera bachpan mujh se..

=======================

Tum ko naraaz hi rehna hai to koyi baat karo,
Ke chup chaap rehne se mohabbat ka gumaan hota hai..

=======================

Nahi leta koi bhi naam tere naam se pehle,
Koi hadshha sa rehta hai mujhe anjaam se pehle..

=======================

Main us ko chorr to sakti hoon chorr nahi paati,
Woh shakss meri bigrri huyi aadat ki tarah hai..

=======================

Zara sa hatt ke chalta hoon zamane ki riwayat se,
Ke jin pe bojh daloon woh kaandhe yaad rakhta hoon..

=======================

Na chain aaye jo jeene se to marne se sakoon hoga,
Mohabbat hadh se barrh jaye to lazim hai janoon hoga..
Gohar Ilyas Jalali

=======================

Ishrat dariya hai dariya mein fana ho ja,
Dard ka hadh se guzarna hai dawaa ho jana..

=======================

Waqt ka pata chalta nahin apnon ke sath,
Apnon ka pata chal jata hai waqt ke sath..

=======================

Teri kahani saari duniya,
Mera hulaasa* bass ek tu..

(hulaasa;summary)

=======================

Mujh ko zaroorat hai teri,
Sakht garmi mein barish ki tarah..

=======================

Halaat pareshan to guzar jaayen ge ik roz,
Ehbaab ke honton ki hansi yaad rahe gi..

=======================

Itna be’hiss ke pighalta hi na tha baaton se,
Aadmi tha ke taraasha hua pathar dekhaa..

=======================

Kya us se chupaaon nahi ghair bhi itna,
Kya us ko bataaon mera apna to nahi hai..

=======================

Ab dekhiye to kis ki jaaan jati hai,
Us ne meri mene us ki qasam khayi hai..

=======================

Tere gharoor ke mayyaar se buland hoon mein,
Teri pasand ka kya zikar, khud’pasand hoon mein..

=======================

Tumhare sath hi dikhi thi mujhe,
Phir kabhi zindagi nahin dikhi..

=======================

Tu mohabbat se koi chaal to chal,
Haar jaaney ka hausla hai mujh ko..

=======================

Ungliyan meri wafaa per to na uthaao logo,
Jisey ho shaq woh mujhse nibhaah ke dekhe..

=======================

Jo uski chaah me guzri woh zindagi hai meri,
Uske baad to guzaara hai zindagi ne mujhey..

=======================

Din nahin raat nahin subah nahin shaam nahin,
Reh gayi aik “nahin”, “haan” ka kahin naam nahin..

=======================

Mai Kaise Rok Dun Apne Thirakte Kadamon Ko;
Ishara Hai Unka Abhi Nachte Raho.

Muddaton Baad Unhein Mudke Dekhna Bhi Kya;
Ger Wo Dekh Bhi Rahe Hon To Karna Bhi Kaya.

Khuda Ne Tere Lawon Ko Kya Haseen Mod Diya Hai;
Kayamat Ko Hi Jaise Khula Chhod Diya Hai.

============================

Jab Kabhi Fairist Bane Bewafa Logon Ki;
Awwal Number Pe Usmein Naam Mere Mehboob? Ka Likhna.

Yun To Mere Samne Usne Jamane Ka Haal Poocha;
Jane Kyun Ek Nazer Faqat Mujhper Nahi Padi.

Gujere Jamane Ki Kitab Ka Ek Safa Ban Jayeinge.
Ayega Bulawa Aur Hum Bhi Chale Jayenge.

Aakhir Kyun Na Ho Mujhko Gujere Jamane Ka Malaal;
Her Gum Ko Bhool Jata Hun Jab Aata Hai Un Lamhon Ka Khayal.

Raste Ke Mushafiron Ka Bharosa Kaisa;
Ayegi Unki Manzil Aur Humse Bichhad Jayenge.

Muddaton Baad Hua Aaj Phir Pareshan Dil;
Jane Kis Haal Mein Hoga Ab Mera Qatil.

============================

Lout Paatey Naheen, Uthh Kar Wahaan Jaaney Waaley!
Dard Kitnaa Bhi Koyi Zehn-O-Jigar Mein Paaley!

Yoon To, Hotey Hain Yaheen Paas Hawaaoun Mein Kaheen:
Uyoon-E-Nou Ko Bhi Parhtey Hain Nazar Key Laaley!!

============================

Kaisey Aauun, Priya, Wahaan?
Kaisey Rokoon Paanw?

Mat Jaaou! Maano Kahaa
Rok Rahaa Hai Gaanw

============================

Priya, Tum To Aaye Nahin
Jaag Huyee Hai Bhor

Kyoun Na Aaj Mein Hee Parhoon
Nikal Tumhaaree Aor?

============================

Kahaan Ley Chaley Ho Mujhey?
Meyrey Kheywanhaar!

Sammukh Jal Hai, Kshitij Hai;
Par, Kyaa Hai Us Paar?

============================

Dil yoon dharrka ke pareshan hua ho jesse,
Koi be’dheyaani mein nuqsaan hua jo jesse..

=======================

Huye naamwar* be’nishaan kese kese,
Zameen kha gayi asmaan kese kese..
(naamwar;popular)

=======================

Paani sasta hai to phir uska tahaffuz kesa,
Khoon mehnga hai to har sheher me behta kyun hai..

=======================

Jab bhi hoti hai guftguu khud se,
Zikar tera zaroor hota hai..

=======================

Yaqeen us ko nahi aata wazahat main naì karta,
Guzar jaye gi sari umer shayed imtehano mein…

=======================

Jab se us ne hattaa liya baazu,
Sar ke neechey sawaal rakhe hain..

=======================

Iss daur ka ek barra fasaadi hoon main,
Jo sach lage bas wohi keh deta hoon main..

=======================

Main agar toot bhi jaaon to aayina hoon,
Tum mere baad bhi har roz sanwartey rehna..

=======================

Woh mera ho kar bhi mujh se mehroom raha,
Koi kya mujh sa bhi jeet ke haara ho ga..

=======================

Dhoond raha hoon chalne ki tadbeer koi,
Baandh geya hai pairon mein zanjeer koi..

=======================

Yeh rakh rakhaao mohabbat sikha gayi usko,
Woh rooth kar bhi mujhse muskuraa ke milta hai..

=======================

Raat us ko bhi khawb mein dekha,
Jis ko har dam hijaab mein dekha..

=======================

Mene samandar se seekha hai jeeney ka saleeqa,
Chup chaap se behna, apni mauj mein rehnaa..

=======================

Afsaanon ki duniya mein sab jhoot nahin hota,
Dil aur bhi uljhay ga parrhiye na kitaabon ko..

=======================

Mein yeh da’awey se kehta hoon kabhi nakaam na ho ge,
Kabhi mohabbat ko pehchaan lo jo kabhi badnaam na hoge..

=======================

Chali hai rasm ke koi na qarzz lottaaye,
Kisi bhi shakhs ko ab tum udhaar mat dena..

=======================

Tark-e-taluqaat pe roya na tu, na main,
Lekin yeh kya ke chein se soya na tu, na main..

=======================

Dekhne aaye they woh apni mohabbat ka assar,
Kehtey hain ke aaye hain ayaadat* kar ke..
(ayaadat;to enquire about well-being, visiting patients)

=======================

Har dua mein raha khayaal tera,
Iss tarah tujhse raabta rakha..

=======================

Muddaton baad yeh dastak kesi,
Zaroor koi matlabi ho ga..

=======================

Azaab yeh bhi kisi aur per nahin aya,
Ke ik umar chale aur ghar nahin aya..

=======================

Bohat hi kam nazar aya mujhe ikhlaas logon mein,
Yeh daulat batt gayi shayed bohat hi khass logon mein..

=======================

Bicharrne waley ne yeh na socha ho ga,
Aik do din nahi barson ki shanasaayi hai..

=======================

Woh sath tha hamare, ya hum pas they un ke,
Woh zindagi ke kuch din, ya zindagi thi kuch din..

=======================

Meine ashjaar* pe likha hua dekha hai kahin,
Phall na do ge to tumhe kaatt diya jaye ga..
(ashjaar;trees)

=======================

Ab zara tafseel se aye qaasid*-e-khush’ruu bata,
Pehle us ne kya kaha, phir kya kaha, phir kya kaha..
(qaasid;postman)

=======================

Taluqaat ka aghaaz khoob hai lekin,
Taluqaat ka anjaam bhi nazar mein rahe..
Mushtaq Khalil

=======================

Teri jeet se zeyada to,
Meri haar ka charcha hai..

=======================

Jab se usey azeez huyi meri zindagi,
Mein apni zindagi ki dua mangne laga..

=======================

Phir aj ashk se ankhon mein kyun hain aye huye,
Guzar geya hai zamaana tujhe bhulaaye huye..

=======================

Kaash ke tum mere hote,
Kaash yeh alfaz tere hote..

=======================

Abhi Na Tajurbekar Ek Naujawan Hain Hum
Akl Ki Baaton Mein Thode Bejuwan Hain Hum.

Ab Ho Gaye Gulam Unke Aashiki Mein Hum
Yun To Kal Tak Apne Dil Ke Badshah The Hum.

Ye Dil Ke Her Zidd Pe Dum Tod Raha Hai
Nadan Ki Khahishon Se Bade Pareshan Hain Hum.

Kya Daur Aa Gaya Hai? Ke Aaram Nahi Hai
Baithe Baithe Bhi Aaj Kal Rawan Rawan Hain Hum.

Chahein To Aasman Ko Jami Per Utar Lein
Bus Jara Kuwwat Se Apni Gumsuda Hain Hum.

Kal Waqt Ko Lautani Hain Ye Sari Takatein
Abhi To Apni Duniya Ke Shehenshah Hain Hum.

============================

Kabhi Jami Kabhi Aasman Samjh Main Nahi Aata
Is Dil Ka Thikana Bhi Samjh Main Nahi Aata

Meri Aankhein Uski Yaadon Ke Charag To Nahi
Kyun Aaye Bus Wo Hi Nazer Samajh Main Nahi Aata.

Chahe Anchahe Mai Use Yaad Kiya Karta Hun
Ye Lat Hai Ya Aadat Samajh Main Nahi Aata.

Kamabakhat Aashiqi Ne Jeena Haram Ker Diya
Use Bhuloo Ya Apni Jaan Dun Samajh Mein Nahi Aata.

Is Taraf Mera Gher Hai Us Taraf Uska Gher
Idher Jaun Ya Udher Samajh Main Nahi Aata.

Pagal Sa Banke Reh Gaya Kuchh Soch Sochker
Pehle Hasun Ya Roun Samajh Mein Nahi Aata.

Lifafa Fat Chuka Majmoon Bhi Kafi Purana Ho Gaya
Use Dun Ya Khat Jala Dun Samajh Mein Nahi Aata.

Uski Wafa Pe Ab Mujhe Shaq Hone Laga Hai
Use Yaar Kahun Ya Gaddar Samajh Mein Nahi Aata.

Raqeebon Ke Sath Baithe Hain Ajeej-O-Mohatrim
Kaise Karun Salam Samajh Mein Anhi Aata.

Samjhale Dil Ko Mastghan Kuchh Aur Na Samajh
Phir Khud Samajh Jayega Jo Samajh Main Nahi Aata.

============================

Apna To Ye Sochker Waqt Guzer Zata Hai
Kyu Dur Jane Ke Liye Koi Karib Aata Hai.

Wo Jane Kaise Apne Dilse Mujhe Bhula Baitha
Mai Ger Bhulna Chahu To Bhula Bhi Yaad Aata Hai.

Tab Nikherti Hai Kahin Jindagi Ki Asli Surat
Ashq Jab Aapke Daman Pe Bikher Jata Hai.

Tadap Tadap Ke Tujhe Taumra Yaad Karta Rahun
Kuchh Aur De Na Jakhm To Bher Jata Hai.

Yun To Mai Khud Bhi Tujhper Tabajjoh Nahi Deta
Mera Jehen Hai Ke Her Bar Udher Jata Hai.

Beshaq Bahar Sooni Sooni Si Lagti Hai
Bul Bul Ke Chale Jane Se Kya Bagh Ujad Jata Hai.

============================

Mujh mein lagta hai ke mujh se zeyaada hai woh,
Khud se barrh kar mujhe rehti hai zaroorat uski..

=======================

Tu meri zindagi mein laazim hai,
Jese pehla sawaal parchay ka..

=======================

Yeh kya ke woh shakhs jab chahey cheen le mujhe,
Apne liye woh shakhss tarrapta bhi to dekhoon..

=======================

Yeh aur baat ke main chorr chuka kuuza gari*,
Tere jaise to mein matti ke bana sakta hoon..
(kuuza gari;an art of making dishes from sand)

=======================

Hath mein le ke mera hath yeh vaada karo,
Ab na chorro ge mera sath yeh vaada karo..

=======================

Haaye zaalim ne zara sa bhi takaluf na kiya,
Hum ne chaahi jo ijaazat to ijaazat de di..

=======================

Bhool sako to bhool jao ijazat hai tumhe,
Aik bhool karney ki ijaaazat hai tumhe..

=======================

Pehle likhti hoon mein kaghaz pe masaayel apne,
Aur phir sabbar ke daryaa mein bahaa deti hoon..

=======================

Rota hai khilonay ke liye, chupp nahin hota,
Dushman ka yeh bacha, mere bachey ki tarah hai..

=======================

Kisi ka ishq kisi ka khayal they hum bhi,
Gaye dinon mein bohat ba-kamaal they hum bhi..

=======================

Hadh-e-adab ki baat thi, hadh-e-adab mein reh gayi,
Maine kaha main chalaa, us ne kaha ke jaayiye..

=======================

Beqaraari bhi hai, qaraar bhi hai,
Gham ganwaar bhi hai, nagwaar* bhi..
(nagwaar;intolerable, insufferable)
Safia Shameem

=======================

Sochta hi rehta hoon woh jahaan kesa hai,
Doosri taraf se woh aasmaan kesa hai..

=======================

Akal laayi hai dhoond kar lakhon,
Ishq bhaari hai sab daleelon par..

=======================

Jo muh ko aa rehi thi, ab lipti hai paoon se,
Barish ke baad khaak ki fitrat badal gayi..

=======================

Mein pareshaan tha, pareshan hoon, neyi baat nahin,
Aaj woh bhi hain pareshan, khudaa khair kare..

=======================

Jo Meri Ankhon Se Khawab Daikho
To Aik Shab Bhi Shab Na So Sako Ge

K Lakh Chaho Na Hans Sako Ge
Hazaar Chaho Na Ro Sako Ge

K Khawab Kia Hain Aazaab Hain Yeh
Mere Dokhon Ki Kitaab Hain Yeh

Rifaqatain In Main Chotti Hain
Mohabbatain In Me Rothati Hain

Pinapti Hain In Me Wahshaten Se
Aziaten In Main Photati Hain

Unhi Ke Dar Se Khizan Hain Jazbe
Unhi Se Shakhen Se Totati Hain

Ghamon Ki Bandish Hain Khawab Mere
Dhokon Ki Barish Hain Khawab Mere

Obhal Raha Hai Dukhon Ka Lava
Rahen Atish Hain Khawab Mere

Khayal Sare Jholas Gae Hain
Sulagti Khwahish Hain Khuaab Mere

Okharti Sansain Hain Zindagi Ki
Lahoo Ki Sazish Hain Khawab Mere

Jo Meri Ankhon Se Khawab Dekho
To Aik Shab Bhi Na So Sako Ge

****************************

Kal Hamesha Ki Tarha Us Ne Kaha Ye Fone Par
Me Bahut Masrof Hon Mujh Ko Bahut Se Kaam Hain
Iss Liye Tum Ao Milney Me To Aa Sakti Nahin
Har Riwayat Torh Kar Is Baar Me Ne Keh Diya
Tum Jo Ho Masrof To Me Bhi Bahut Masrof Hon
Tum Jo Ho Mashhoor To Me Bhi Bahut Maroof Hon
Tum Agar Ghamgen Ho Me Bhi Bahut Ranjor Hon
Tum Thakan Se Chor To Me Bhi Thakan Se Choor Hon
Jan-E-Man Hai Waqt Mera Bhi Bahut Hi Qemti
Kuch Purane Doston Ne Milne Ana Hai Abhi
Mein Bhi Ab Farigh Nahin Mujh Ko Bhi Lakhon Kaam Hain
Warna Kehne Ko To Sab Lamhe Tumhare Naam Hain
Meri Ankhein Bhi Bahut Bojhal Hain Sona Hai Mujhe
Ratjagon Ke Bad Aab Nendon Me Khona Hai Mujhe
Mein Lahoo Apni Anaoon Ka Bhaha Sakta Nahin
Tum Nahin Ati To Milney Me Bhi Aa Sakta Nahin
Us Ko Ye Keh Kar Wasi Me Ne Reciever Rakh Diya
Aur Phir Apni Aana Ke Paon Pey Sar Rakh Diya

****************************

Qalam Ho Taigh Ho Taisha K Dhaal Mat Cheno
Kabi Kisi Se Kisi Ka Kamal Mat Cheno

Khushi Isi Me Agar Hai To Har Khushi Lay Lo
Yeh Dukh Yeh Dard Yeh Huzan O Malal Mat Cheno

Isi Khalash K Sabab Phir Muje Obharna Hai
Khuda K Wastay Ahed-E-Zawal Mat Cheno

Me Chor Sakta Nahin Sath Istiqamat Ka
Meri Azan Se Josh-E-Bilal Mat Cheno

Abi Kitab Na Cheno Tum In K Hathon Se
Hamare Bachon Ka Hussan-O-Jamal Mat Cheno

Hamari Ankh Me Yaadon K Zakham Rehnay Do
Hamare Hath Se Pholon Ki Dhaal Mat Cheno

Abi Bhojao Na Candle Na Cake Katon Abi
Kuch Aar Dair Mera Pichla Saal Mat Cheno

****************************

Us K Hathon Se Joo Khoshbo-E-Hina Atii Hai
Aisa Lagta Hai K Jannat Se Hawaa Atii Hai

Chomne Daar Ko Kis Dhaj Se Chala Hai Koi
Aj Kis Naaz Se Maqtal Mee Qaza Aati Hai

Na Kabhi Koi Kare Tujh Se Tere Jaise Salook
Hath Uthtay Hi Yehi Lab Pe Dua Aati Hai

Tere Gham Ko Ye Bar-Hana Nahin Rehne Deti
Meri Ankhon Pe Jo Ashkon Ki Rida Aati Hai

Us Ke Chehray Ki Tamazat Bhi Hai Shamil Is Main
Aaj Tapti Hoi Saavan Ki Ghata Aati Hai

Ghomnay Jab Bhi Tere Shehar Me Jati Hai Wafa
Bain Karti Hui Wapis Woh Sada Aati Hai

Hai Wohi Bat Har Ik Lab Pe Bohat Aam Yahan
Hum Se Jo Kehte Hue Un Ko Haya Ati Ha

****************************

Yoon bhi hua hai mere ghar mein,
Mein naheen hota, woh hota hai..

=======================

Mere khudaa mujhey itnaa to moatbar* kar de,
Mein jis makaan mein rehta hoon usko ghar kar de..
(moatbar;respected)

=======================

Aur kuch bhi mujhe darkaar nahin hai lekin,
Meri chaadar mere pairon ke baraabar kar de..

=======================

Yeh jo sargashta se phirtey hain kitaabon waley,
In se mat mil ke inhe rog hain khawbon waley..

=======================

Karke waada, mukar geya aakhir,
Tu bhi dil se, utar geya aakhir..

=======================

Nahi hai ilaaj kisi bhi tabeeb ke paas,
Ishq la-ilaaj hai, bas ehtiyaat kijiye..

=======================

Lafzz kehne walon ka kuch nahin jata,
Lafzz sehney waley kamaal kartey hain..

=======================

Hum ne to khud se intiqaam liya,
Tum ne kya soch kar mohabbat ki ?

=======================

Har shakhs nahin hota har shakhss ke kabil,
Har shakhs ko apne liye socha nahin kartey..

=======================

Ab to agey naam tumhara bhi aaye ga,
Kaho to chorr doon yahin fasaaney ko..

=======================

Bana kar Taj Mahal kisi shehenshah ne dolat se,
Hum ghareebon ki mohabbat ka mazaq urraya hai..

=======================

Hum pe naazil hua hai ishq aese,
Jese qoamon pe azaab aata hai..

=======================

Un ki raatain katein gi kese,
Jin pe naazil ishq hua hai..

=======================

Roz aamil badalta hoon,
Tera aasaib magar nahi jata..

=======================

Kya ghazab hai ke us ki khamoshi,
Mujh se baatain hazaar karti hai..

=======================