ā.īna kyuuñ na duuñ ki tamāshā kaheñ jise
aisā kahāñ se lā.ūñ ki tujh sā kaheñ jise
by
MIRZA GHALIB
—-
āgāh apnī maut se koī bashar nahīñ
sāmān sau baras kā hai pal kī ḳhabar nahīñ
HAIRAT ALLAHABADI
—-
aahoñ se soz-e-ishq miTāyā na jā.egā
phūñkoñ se ye charāġh bujhāyā na jā.egā
by
AMEER MINAI
—-
āḳhir gil apnī sarf-e-dar-e-mai-kada huī
pahuñchī vahīñ pe ḳhaak jahāñ kā ḳhamīr thā
JAHANDAR SHAH JAHANDAR
—-
aate aate aa.egā un ko ḳhayāl
jaate jaate be-ḳhayālī jā.egī
Yaad
JALEEL MANIKPURI
—-
ab to jaate haiñ but-kade se ‘mīr’
phir mileñge agar ḳhudā laayā
by
MIR TAQI MIR
—-
agar baḳhshe zahe qismat na baḳhshe to shikāyat kyā
sar-e-taslīm ḳham hai jo mizāj-e-yaar meñ aa.e
NAWAB ALI ASGHAR
—-
ai sanam vasl kī tadbīroñ se kyā hotā hai
vahī hotā hai jo manzūr-e-ḳhudā hotā hai
, Filmi
BARQ MIRZA RAZA
ai ‘zauq’ dekh duḳhtar-e-raz ko na muñh lagā
chhuTtī nahīñ hai muñh se ye kāfar lagī huī
Sharab, Maikashi,
SHEIKH IBRAHIM ZAUQ
—-
ajiib lutf kuchh aapas ke chheḌ-chhāḌ meñ hai
kahāñ milāp meñ vo baat jo bigāḌ meñ hai
INSHA ALLAH KHAN ‘INSHA’
‘anīs’ dam kā bharosā nahīñ Thahar jaao
charāġh le ke kahāñ sāmne havā ke chale
, Maut
MEER ANEES
==
bāġhbāñ ne aag dī jab āshiyāne ko mire
jin pe takiya thā vahī patte havā dene lage
, Dhoka
SAQIB LAKHNAVI
bahut jī ḳhush huā ‘hālī’ se mil kar
abhī kuchh log baaqī haiñ jahāñ meñ
ALTAF HUSSAIN HALI
bahut pahle se un qadmoñ kī aahaT jaan lete haiñ
tujhe ai zindagī ham duur se pahchān lete haiñ
, Aahat, Filmi
FIRAQ GORAKHPURI
baiTh jaatā huuñ jahāñ chhāñv ghanī hotī hai
haa.e kyā chiiz ġharīb-ul-vatanī hotī hai
HAFEEZ JAUNPURI
bajā kahe jise aalam use bajā samjho
zabān-e-ḳhalq ko naqqāra-e-ḳhudā samjho
SHEIKH IBRAHIM ZAUQ
bandish-e-alfāz jaḌne se nigūñ ke kam nahīñ
shā.erī bhī kaam hai ‘ātish’ murassa-saaz kā
Sher,
HAIDAR ALI AATISH
==
be-ḳhudī be-sabab nahīñ ‘ġhālib’
kuchh to hai jis kī parda-daarī hai
Bekhudi,
MIRZA GHALIB
bhāñp hī leñge ishāra sar-e-mahfil jo kiyā
tāḌne vaale qayāmat kī nazar rakhte haiñ
, Filmi
MADHAV RAM JAUHAR
chal saath ki hasrat dil-e-marhūm se nikle
āshiq kā janāza hai zarā dhuum se nikle
Aashiq,
MIRZA MOHAMMAD ALI FIDVI
==
chaman meñ iḳhtilāt-e-rang-o-bū se baat bantī hai
ham hī ham haiñ to kyā ham haiñ tum hī tum ho to kyā tum ho
Filmi
SARSHAR SAILANI
===
chuuñ sham-e-sozāñ chuuñ zarra hairāñ ze mehr-e-aañ-mah bagashtam āḳhir
na niiñd naināñ na añg chaināñ na aap aave na bheje patiyāñ
Khat, Neend, Hijr, , Judai
AMEER KHUSRAU
dil ke phaphūle jal uThe siine ke daaġh se
is ghar ko aag lag ga.ī ghar ke charāġh se
Chiragh, , Filmi, Dil
MAHTAB RAI TABAN
==
diloñ ko fikr-e-do-aalam se kar diyā āzād
tire junūñ kā ḳhudā silsila darāz kare
HASRAT MOHANI
==
ik lafz-e-mohabbat kā adnā ye fasānā hai
simTe to dil-e-āshiq phaile to zamāna hai
Mohabbat, Ishq, , Filmi, Love
JIGAR MORADABADI
==
farishte se baḌh kar hai insān banñā
magar is meñ lagtī hai mehnat ziyāda
, Insaan
ALTAF HUSSAIN HALI
===
fasl-e-bahār aa.ī piyo sūfiyo sharāb
bas ho chukī namāz musallā uThā.iye
Sharab,
HAIDAR ALI AATISH
garmi-e-hasrat-e-nākām se jal jaate haiñ
ham charāġhoñ kī tarah shaam se jal jaate haiñ
, Filmi
QATEEL SHIFAI
===
ġhazal us ne chheḌī mujhe saaz denā
zarā umr-e-rafta ko āvāz denā
Waqt, Zindagi, , Filmi
SAFI LAKHNAVI
===
go zarā sī baat par barsoñ ke yārāne ga.e
lekin itnā to huā kuchh log pahchāne ga.e
KHATIR GHAZNAVI
hai justujū ki ḳhuub se hai ḳhuub-tar kahāñ
ab Thahartī hai dekhiye jā kar nazar kahāñ
, Justaju
ALTAF HUSSAIN HALI
ham jis pe mar rahe haiñ vo hai baat hī kuchh aur
aalam meñ tujh se laakh sahī tū magar kahāñ
ALTAF HUSSAIN HALI
====
ham ko ma.alūm hai jannat kī haqīqat lekin
dil ke ḳhush rakhne ko ‘ġhālib’ ye ḳhayāl achchhā hai
, Filmi, Jannat, tanz
MIRZA GHALIB
ham ko miTā sake ye zamāne meñ dam nahīñ
ham se zamāna ḳhud hai zamāne se ham nahīñ
Hausla, , Filmi, Motivational
JIGAR MORADABADI
===
hazāroñ ḳhvāhisheñ aisī ki har ḳhvāhish pe dam nikle
bahut nikle mire armān lekin phir bhī kam nikle
Hasrat, Aarzoo, Tamanna, , Filmi
MIRZA GHALIB
hazāroñ saal nargis apnī be-nuurī pe rotī hai
baḌī mushkil se hotā hai chaman meñ diida-var paidā
, Filmi, Tribute
ALLAMA IQBAL
==
hazrat-e-daaġh jahāñ baiTh ga.e baiTh ga.e
aur hoñge tirī mahfil se ubharne vaale
DAGH DEHLVI
==
hue nāmvar be-nishāñ kaise kaise
zamīñ khā ga.ī āsmāñ kaise kaise
, Filmi, Maut
AMEER MINAI
—0
iid kā din hai gale aaj to mil le zālim
rasm-e-duniyā bhī hai mauqa.a bhī hai dastūr bhī hai
Filmi, Eid
QAMAR BADAYUNI
ishq ik ‘mīr’ bhārī patthar hai
kab ye tujh nā-tavāñ se uThtā hai
Mohabbat, Ishq, , Love
MIR TAQI MIR
ishq ne ‘ġhālib’ nikammā kar diyā
varna ham bhī aadmī the kaam ke
Ishq,
MIRZA GHALIB
jahāñ rahegā vahīñ raushnī luTā.egā
kisī charāġh kā apnā makāñ nahīñ hotā
Chiragh, , Motivational
WASEEM BARELVI
kah rahā hai shor-e-dariyā se samundar kā sukūt
jis kā jitnā zarf hai utnā hī vo ḳhāmosh hai
NATIQ LAKHNAVI
ḳhabar sun kar mire marne kī vo bole raqīboñ se
ḳhudā baḳhshe bahut sī ḳhūbiyāñ thiiñ marne vaale meñ
, Filmi
DAGH DEHLVI
ḳhanjar chale kisī pe taḌapte haiñ ham ‘amīr’
saare jahāñ kā dard hamāre jigar meñ hai
, Unity
AMEER MINAI
ḳhud apnī mastī hai jis ne machā.ī hai halchal
nasha sharāb meñ hotā to nāchtī botal
Sharab, , Filmi
ARIF JALALI
ḳhudī ko kar buland itnā ki har taqdīr se pahle
ḳhudā bande se ḳhud pūchhe batā terī razā kyā hai
khudi, , Filmi, Motivational
ALLAMA IQBAL
khultā kisī pe kyuuñ mire dil kā mo.āmla
sheroñ ke intiḳhāb ne rusvā kiyā mujhe
Sher,
MIRZA GHALIB
kī mire qatl ke ba.ad us ne jafā se tauba
haa.e us zuud-pashīmāñ kā pashīmāñ honā
Jafa, , Filmi, Qatil
MIRZA GHALIB
koī haath bhī na milā.egā jo gale miloge tapāk se
ye na.e mizāj kā shahr hai zarā fāsle se milā karo
, Fasla
BASHIR BADR
koī kyuuñ kisī kā lubhā.e dil koī kyā kisī se lagā.e dil
vo jo bechte the davā-e-dil vo dukān apnī baḌhā ga.e
, Mayoosi, Filmi
BAHADUR SHAH ZAFAR
kuchh to majbūriyāñ rahī hoñgī
yuuñ koī bevafā nahīñ hotā
Majburi, , Bewafai
BASHIR BADR
kyā roz-e-bad meñ saath rahe koī ham-nashīñ
patte bhī bhāgte haiñ ḳhizāñ meñ shajar se duur
, Filmi, Khizan
IMAM BAKHSH NASIKH
laa.e us but ko iltijā kar ke
kufr TuuTā ḳhudā ḳhudā kar ke
, But
PANDIT DAYA SHANKAR NASEEM LAKHNAVI
lagā rahā huuñ mazāmīn-e-nau ke phir ambār
ḳhabar karo mere ḳhirman ke ḳhoshā-chīnoñ ko
MEER ANEES
lage muñh bhī chiḌhāne dete dete gāliyāñ sāhab
zabāñ bigḌī to bigḌī thī ḳhabar liije dahan bigḌā
HAIDAR ALI AATISH
maiñ akelā hī chalā thā jānib-e-manzil magar
log saath aate ga.e aur kārvāñ bantā gayā
Manzil, Mashwara, , Safar, Filmi, Motivational
MAJROOH SULTANPURI
maktab-e-ishq kā dastūr nirālā dekhā
us ko chhuTTī na milī jis ko sabaq yaad huā
Mohabbat, Ishq, , Love
MEER TAHIR ALI RIZVI
maut māñgī thī ḳhudā.ī to nahīñ māñgī thī
le duā kar chuke ab tark-e-duā karte haiñ
Dua, Maut
YAGANA CHANGEZI
‘mīr’ amdan bhī koī martā hai
jaan hai to jahān hai pyāre
Zindagi,
MIR TAQI MIR
mire ḳhudā mujhe itnā to mo’tabar kar de
maiñ jis makān meñ rahtā huuñ us ko ghar kar de
Ghar
IFTIKHAR ARIF
muflisī sab bahār khotī hai
mard kā e’tibār khotī hai
, Muflisi
WALI MOHAMMAD WALI
na chheḌ ai nik.hat-e-baad-e-bahārī raah lag apnī
tujhe aTkheliyāñ sūjhī haiñ ham be-zaar baiThe haiñ
, Filmi
INSHA ALLAH KHAN ‘INSHA’
na gor-e-sikandar na hai qabr-e-daarā
miTe nāmiyoñ ke nishāñ kaise kaise
, Filmi, Maut
HAIDAR ALI AATISH
na jaanā ki duniyā se jaatā hai koī
bahut der kī mehrbāñ aate aate
DAGH DEHLVI
na satā.ish kī tamannā na sile kī parvā
gar nahīñ haiñ mire ash.ār meñ ma.anī na sahī
MIRZA GHALIB
na to kuchh fikr meñ hāsil hai na tadbīr meñ hai
vahī hotā hai jo insān kī taqdīr meñ hai
Qismat, , Filmi
HAIRAT ALLAHABADI
nāzuk-kalāmiyāñ mirī toḌeñ adū kā dil
maiñ vo balā huuñ shīshe se patthar ko toḌ duuñ
, Filmi
SHEIKH IBRAHIM ZAUQ
nahīñ hai nā-umiid ‘iqbāl’ apnī kisht-e-vīrāñ se
zarā nam ho to ye miTTī bahut zarḳhez hai saaqī
, Motivational
ALLAMA IQBAL
nikalnā ḳhuld se aadam kā sunte aa.e haiñ lekin
bahut be-aabrū ho kar tire kūche se ham nikle
, Ruswai
MIRZA GHALIB
pattā pattā buuTā buuTā haal hamārā jaane hai
jaane na jaane gul hī na jaane baaġh to saarā jaane hai
, Filmi
MIR TAQI MIR
qais jañgal meñ akelā hai mujhe jaane do
ḳhuub guzregī jo mil baiTheñge dīvāne do
, Filmi
MIYAN DAD KHAN SAYYAH
raah-e-duur-e-ishq meñ rotā hai kyā
aage aage dekhiye hotā hai kyā
, Filmi
MIR TAQI MIR
sadā aish daurāñ dikhātā nahīñ
gayā vaqt phir haath aatā nahīñ
Waqt,
MEER HASAN
sair kar duniyā kī ġhāfil zindagānī phir kahāñ
zindagī gar kuchh rahī to ye javānī phir kahāñ
Jawani, Zindagi, , Filmi
KHWAJA MEER ‘DARD’
saare jahāñ se achchhā hindostāñ hamārā
ham bulbuleñ haiñ is kī ye gulsitāñ hamārā
, Filmi, Deshbhakti
ALLAMA IQBAL
sar-e-mizhgāñ ye naale ab bhī aañsū ko taraste haiñ
ye sach hai jo garajte haiñ vo bādal kam baraste haiñ
SHAH NASEER
sarfaroshī kī tamannā ab hamāre dil meñ hai
dekhnā hai zor kitnā baazu-e-qātil meñ hai
Hausla, , Filmi, Deshbhakti
BISMIL AZIMABADI
shab ko mai ḳhuub sī pī sub.h ko tauba kar lī
riñd ke riñd rahe haath se jannat na ga.ī
Sharab, Tauba, Maikashi,
JALEEL MANIKPURI
shabān-e-hijrāñ darāz chuuñ zulf roz-e-vaslat chū umr kotāh
sakhī piyā ko jo maiñ na dekhūñ to kaise kāTūñ añdherī ratiyāñ
Hijr, , Tasawwuf, Judai
AMEER KHUSRAU
shahr meñ apne ye lailā ne munādī kar dī
koī patthar se na maare mire dīvāne ko
, Filmi
SHAIKH TURAB ALI QALANDAR KAKORVI
shah-zor apne zor meñ girtā hai misl-e-barq
vo tifl kyā giregā jo ghuTnoñ ke bal chale
Hausla, Filmi, Motivational
MIRZA AZEEM BEG ‘AZEEM’
shikva-e-aabla abhī se ‘mīr’
hai piyāre hanūz dillī duur
Shikwa, Aabla,
MIR TAQI MIR
sitāroñ se aage jahāñ aur bhī haiñ
abhī ishq ke imtihāñ aur bhī haiñ
, Filmi, Motivational
ALLAMA IQBAL
siyah-baḳhtī meñ kab koī kisī kā saath detā hai
ki tārīkī meñ saayā bhī judā rahtā hai insāñ se
, Filmi, Muflisi
IMAM BAKHSH NASIKH
sun to sahī jahāñ meñ hai terā fasāna kyā
kahtī hai tujh ko ḳhalq-e-ḳhudā ġhā.ebāna kyā
HAIDAR ALI AATISH
surḳh-rū hotā hai insāñ Thokareñ khāne ke ba.ad
rañg laatī hai hinā patthar pe pis jaane ke ba.ad
, Filmi
SYED GULAM MOHAMMAD MAST KALKATTVI
tar-dāmanī pe shaiḳh hamārī na jā.iyo
dāman nichoḌ deñ to farishte vazū kareñ
, Tasawwuf
KHWAJA MEER ‘DARD’
tum mire paas hote ho goyā
jab koī dūsrā nahīñ hotā
Tasawwur,
MOMIN KHAN MOMIN
tumheñ ġhairoñ se kab fursat ham apne ġham se kam ḳhālī
chalo bas ho chukā milnā na tum ḳhālī na ham ḳhālī
Filmi
JAFAR ALI HASRAT
ulTī ho ga.iiñ sab tadbīreñ kuchh na davā ne kaam kiyā
dekhā is bīmāri-e-dil ne āḳhir kaam tamām kiyā
, Filmi
MIR TAQI MIR
umr to saarī kaTī ishq-e-butāñ meñ ‘momin’
āḳhirī vaqt meñ kyā ḳhaak musalmāñ hoñge
MOMIN KHAN MOMIN
umr-e-darāz maañg ke laa.ī thī chaar din
do aarzū meñ kaT ga.e do intizār meñ
Zindagi, , Filmi
SEEMAB AKBARABADI
This sher is in the the name of Bahadur Shah Zafar but its actually written by Seemab Akbarabadi. Seemab read the complete ghazal in a mushaira at Aligarh in 1919.
un kā jo farz hai vo ahl-e-siyāsat jāneñ
merā paiġhām mohabbat hai jahāñ tak pahuñche
Mohabbat, , Filmi
JIGAR MORADABADI
vaqt do mujh par kaThin guzre haiñ saarī umr meñ
ik tire aane se pahle ik tire jaane ke ba.ad
MUZTAR KHAIRABADI
vo jo ham meñ tum meñ qarār thā tumheñ yaad ho ki na yaad ho
vahī yaanī va.ada nibāh kā tumheñ yaad ho ki na yaad ho
, Wada, Yaad, Filmi
MOMIN KHAN MOMIN
yahāñ libās kī qīmat hai aadmī kī nahīñ
mujhe gilās baḌe de sharāb kam kar de
BASHIR BADR
ye ishq nahīñ āsāñ itnā hī samajh liije
ik aag kā dariyā hai aur Duub ke jaanā hai
Ishq, , Filmi
JIGAR MORADABADI
ye jabr bhī dekhā hai tārīḳh kī nazroñ ne
lamhoñ ne ḳhatā kī thī sadiyoñ ne sazā paa.ī
Hadsa, , Filmi, Jabr
MUZAFFAR RAZMI
zamāna baḌe shauq se sun rahā thā
hamīñ so ga.e dāstāñ kahte kahte
, Maut
SAQIB LAKHNAVI
ze-haal-e-miskīñ makun taġhāful durā.e naināñ banā.e batiyāñ
ki taab-e-hijrāñ nadāram ai jaañ na lehū kaahe lagā.e chhatiyāñ
, Filmi, Tasawwuf
AMEER KHUSRAU
zindagī zinda-dilī kā hai naam
murda-dil ḳhaak jiyā karte haiñ
آگاہ اپنی موت سے کوئی بشر نہیں
سامان سو برس کا ہے پل کی خبر نہیں
مشہور اشعار
آہوں سے سوز عشق مٹایا نہ جائے گا
پھونکوں سے یہ چراغ بجھایا نہ جائے گا
امیر مینائی
آخر گل اپنی صرف در مے کدہ ہوئی
پہنچی وہیں پہ خاک جہاں کا خمیر تھا